رحلة مع قلمي
نظرة من عينيكي
| س-26-يول-2008 | ، | 10:44 م | .. التعليقات 0 | .. الرابط |
يوم ما إتقابلنا كنت إنسان عادي
وكان كل شئ في الدنيا هادي
وفجأه الدنيا بقت جميله
وسنين الفرح شفتها طويله
وإتعجبت وإستغربت إيه اللي حصل!!!
وليه الحزن اللي جوايا انكسر؟؟؟
لقيت دا كله بسبب
نظره من عينكي لعينيا
يوم ما إتعاهدنا إن الحب يفضل ما بيـنـا
وإن الحزن عمره ما يـجـيـلـنـا
ـ
وسرحنا وحلمنا
والدنيا في عيونـا بقت بـسـاتـيـن
والحب اللي جوانا بقى كتب ودواوين
وسقيت الورد اللي في قلبك بإيـديـا
يومها عرفت إن الدنيا ما تساوي
نظره من عينكي لعينيا
حتى يوم ما إبتعدتي .. كان نفسي اشوفك
او حتى يزورني طيفك
احكيله ويسمعني
اشكيله ويفهمني
هل يموت الحب اللي بـيـنــا
وشيعنا جثمانه في قلوبنا
ومن الحزن اللي حواليا
إتمنيت بس
نظره من عينك لعينيا
يوم ما إفترقنا والفرح ودّعنا
والذكرى بقت توجعنا
ومشيت لوحدك ومشيت لوحدي
لا قدرت ارجعلك ولا قدرت ترجعلي
والدموع ملت عينينا
والورد اللي في قلوبنا بقى شوك في إيدينا
لكن برجع واقولك إني ممكن انسى
والقلب اللي حبك عمره ما يقسى
وإني ممكن انقذ قلوبنا اللي ماتت
وأرجع الحب مهما السنين فاتت
وإني هفضل دايماً مستـنـي
نظره من عينك لعينيا
أرسل تعليق
| { الصفحة السابقة } | { الصفحة من | 41 | الى | 120 } | { الصفحة التالية } |
عني
الملف
الارشيف
الاصدقاء
ألبوم الصور
روابط
الاقسام
الشعر والادبمدوناتي الاخيرة
قالت له فقال لهاما أجمل ان يكون لديك انسان
غداً أنا شخص جديد
دعيني أحبك أكثر
أصعب الكلمات
الاصدقاء
mennahashoor
ammsalolo
عناوين أخرى
• اكتب كوم